الارشيف / مصر

أخصائي جراحة عامة وأوعية دموية ومدير مستشفى تخصصي بالعاشر من رمضان يتسببان في بتر ساق طفل ببلبيس

الطفل إياد محمد طفل عمره ٤ سنوات ونصف كان راكب وراء والده الموتوسيكل رجل الطفل جت علي جنزير الموتوسيكل وحصل جرح بسيط في كعب الطفل والد الطفل أخده علي مستشفي الرحمة ببلبيس عملة له أشاعات وتحاليل وقالو لوالد الطفل إبنك محتاج دكتور جراحة وأوعية دموية والد الطفل أخده وطلع علي مستشفي تخصصي بالعاشر من رمضان بالمجاورة ١٢ قالوا لوالد الطفل إبنك محتاج عملية ب ٧ألاف جنيه والد الطفل دفع الفلوس وابنه دخل العمليات والدكتور قالو تم عمل اللازم وتوصيل الوتر المقطوع وعمل له جبيرة ورباط ضاغط والد الطفل بيسأل الدكتور المعالج ط أخصائي الجراحة والأوعية الدموية هنقعد قد ايه في المستشفي قالو لا هامشي دلوقتي العملية بسيطة وبعد أسبوع هنغير علي رجل الطفل وانا هتابع حالته علي الفون وكتب لينا علي لبوس دولفين فقط لاغير ومضوني علي إقرار في المستشفي بعد العملية وفي ظل حالة ابني معرفشي مضيت علي ايه تاني يوم لقيت رجل ابني بترشح دم كلمت الدكتور قالي عادي ده طبيعي تالت يوم لقيت رجل ابني ريحتها طلعت وبعد كده لونها تغير رابع يوم بدأ ورم يظهر في الرجل كلها وفقاقيع مياه تظهر أخدت الطفل ورجعت للمستشفي مدير المستشفي قالي ده طبيعي متخافشي وقرروا إبني يدخل العمليات تاني وطلع الدكتور قالي عملنا عملية ترقيع للقدم اهم حاجة اطمنا علي الدم في الرجل انا أخدت ابني وطلعت علي الدكتور السيد الغطاس شاف رجل الطفل وكلم الدكتور م س مدير المستشفي وكلم الدكتور ط اللي عامل العملية قالو للدكتور ابعت لينا الطفل روحت المستشفي لقيت الدكتور مشي ولازم الواد يروح الجامعة علشان محتاج نقل دم في الحال قبل ماروح الجامعة دخلو الطفل العمليات وطلعوا ليا ابني رجله علي العظم قلت ليهم ايه ده قالوا عملية نظافة بسيطة ولازم تروح الجامعة والدكتور سابني ومشي ومشوفتوش تاني كلمت مدير المستشفي قالي روح للدكتور محمود سالم وهو في انتظارك في الجامعة ويعمل اللازم حبوا ليا عربية سوزوكي وكلعنا علي الجامعة وقابلت الدكتور محمود سالم وعملت محضر في الجامعة تبلغنا بيه العاشر ووكيل النيابة طلبني وانا عند وكيل النيابة كلموني وقالوا ليا لازم تيجي تمضي علي إقرار علشان رجل إبنك هتتقطع وتم بالفعل بتر ساق الطفل صاحب ٤ سنوات ونصف المهم مدير المستشفي التخصصي قالي ماتشتكيش وأغلي طرف صانعي لابنك طبعا مكنشي ينفع اسيب حق إبني بعد ماالدكتور عرف بالشكوي والتقرير اللي طلع من المستشفي الجامعي والدكتور اللي كتب التقرير قالي انت اشتكيت الدكتور قولت له حق إبني قالي يعني عايز تتضيع مستقبل الدكتور وراح كاتب التقرير سبب البتر ضمور في العضلات هكذا يتحدث والد الطفل فين حق إبني اين المسؤولين إبن أصحاب القلوب الرحيمة قضية اياد قضيتنا وقضية كل اولادنا حقه لازم يرجع نداء للرئيس عبدالفتاح السيسي والدكتور مصطفى مدبولي والسادة المسؤولين إياد تعرض لإهمال طبي لازم حقه يرجع

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا